Zbutja e Ujit

Gëlqerja që ndodhet në ujë është një substancë e padëshiruar e cila ul ndjeshëm komoditetin tonë duke i hapur rrugë prishjes së pajisjeve, shpeshherë boileri, lavastovilja, panelet diellore dhe duke lënë njolla në banjo, enë etj.

Zbutja e ujit bëhet duke përdorur rezinën e cila mban gëlqeren që ndodhet brenda ujit. Uji kalohet nëpër rezinë përpara se të kalohet në rrjetin lokal. Rezina mban gëlqeren që ndodhet në ujë duke bërë ndryshim jonesh dhe i jep rrjetit ujë pa gëlqere. Kapaciteti i rezinës për të mbajtur gëlqeren është i limituar. Në momentin e arritjes së këtij kapaciteti, bëhet rigjenerimi i rezinës me ujë me kripë duke hequr gëlqeren nga rezina dhe në këtë mënyrë risetohet kapaciteti i rezinës për të mbajtur gëlqeren. Preferohet të përdoren valvulat plotësisht automatike për rigjenerimin.

Përdorimi i ujit të filtruar nga gëlqerja mundëson 4 lloje kursimi;

Pakësohet konsumi i detergjentëve dhe shampove
Në momentin që bëhet larje me ujë të zbutur, duke qenë se detergjentët dhe shampot depërtojnë më mirë do të merret një rezultat më i mirë duke përdorur më pak.
Pakësohet konsumi i energjisë elektrike
Gëlqerja që ndodhet në ujë vështirëson punën e rezistencës që ndodhet në boiler, lavatriçe, lavastovilje dhe pajisjeve të tjera të ngjashme. Për këtë arsye konsumohet më shumë energji elektrike gjatë ngrohjes së ujit. Kur përdoret ujë pa gëlqere këto pajisje konsumojnë më pak energji elektrike.
Pakësohen kostot e riparimit të rrjetit
Ujërat me shumë gëlqere çojnë në prishjen e rrjetit, rubinetetrive, etj dhe elemneteve lidhës të tyre. Kjo sjell kosto të larta riparimi. Mund të duhen dhe punime të cilat kanë nevojë dhe për thyerjen e pllakave në mënyrë që të riparohet pjesa e cila nuk e kryen funksionin për shkak të gëlqeres. Përdorimi i ujit të zbutur i zvogëlon këto rreziqe dhe mundëson kursime të konsiderueshme në kostot e riparimit të rrjetit.
Pakësohet kosto e riparimit të pajisjeve
Ngaqë pajisjet nuk do të kenë probleme që shkaktohen nga uji, do të kursehen paratë që do të shpenzohen për riparime.

Me sistemet e zbutjes së ujit Water.al® është e mundur që të keni një zbutës dhe të përjetoni komoditetin me kosto të përballueshme. Përfitoni nga të mirat e ujit pa gëlqere duke ju instaluar ekipi jonë profesional valvula elektronike ose valvula mekanike plotësisht automatike në hyrje të rrjetit. Përdorni ujë pa gëlqere me cilësinë e shërbimit të Water.al® dhe sistemet në madhësinë e duhur qoftë për një shtëpi në të cilën jetojnë 3 veta, qoftë për një hotel që akomodon 300 veta në të njëjtën kohë, qoftë për një mensë e cila u shërben ushqim 600 vetave në të njëjtën kohë.

Zbutësit tanë plotësisht automatikë përdorin kripën Water.al® për të bërë shpërlarjen.

Na kontaktoni për kapacitetitn e përdorimit, për analizën e karakterit të ujit dhe rekomandimin e sistemit.